Goodbye 2020🖐🏻
多謝呢一年嚟俾個機會我嘅客戶、PR朋友🙏🏻，
多謝你哋由我懷孕、到可樂仔咗出世對我哋嘅關照！
我會繼續努力🙏🏻！
由2019年尾開始人生一直突變，
時間迫人長大，短短年半，
轉變咗人生，亦完成咗呢十年好多想做嘅大事。
過程好辛苦，但每日都會有目標嘅感覺好好！
2020係全球嘅病菌年，
我就偏喺呢年出入得最多醫院🏥，
每日提心吊膽，因為唔再只係對我自己負責，
喺大家瘋狂WFH 嘅時候，
我呢個大肚婆偏偏每日要更準時番齊工，
好彩上天畀可樂仔順利健康出世。
有啲野真係講天時地利人和，
無論你計劃、準備幾多，
個機會唔係你就唔係你，
但如果樣野係屬於你，
無論中途有幾多阻滯，
個機會始終都係會等你。
行動勝於空想
係我呢一年最大嘅啟發！
2020 係我嘅豐收勞動年，收獲好多，
多謝個天賜畀我嘅一切，
多謝可樂仔嘅來臨，
感激家人嘅幫忙，
感激所有幫過我、指點過迷津嘅媽媽朋友🙏🏻！
大家嘅幫忙勝萬金，我會銘記在心❤️，
今年雖然好辛苦 但好多貴人相助！
希望2021 比2020進步！
希望疫情快走！！！大家身體健康！！
大家繼續努力💪🏻
Search